போதலின் தனிமை

எல்லைகளைக் கடக்கின்ற பாதங்களில்

குவிந்திருக்கின்றது வழி

தன்னை மீட்க கடந்த தொலைவின்

நிழல் கசிந்த ஒரு நொடியில் ஆனது அனைத்தும்

வரவின் கூடலில் வந்தமரும் குருவிகளிடம்

இருப்பிடம் கேட்க

இறக்கையினை அடிக்கின்றன அவை

பேச்சரவம் அரவத்தினைப் போல

சுருண்டுக் கிடக்க

வார்த்தைகள் வாலாட்ட முனையாமல்

பம்முகின்றன

போகவேண்டிய இடம் குறித்த பிரக்ஞையில்